skip to content

Дзікі качар

Вт, 04/20/2010 - 13:57 — admin

Чарот прачысціўся цішай.
Зайшлася душа не плачам…
Каханне гукала ўвысі.
Даверлівы дзікі качар.

Забыта дарога смерці,
якой праляцеў дадому.
Асвенчаны сэнс дасвецця –
пазнання нямая стома.

А стрэл быў амаль бясконцы,
як рэха ў даліне горнай.
Прастрэленым сэрцам – сонца
кіпела ў крыві азёрнай.

Эдуард Акулін

Расскажите свою грустную историю