skip to content

Абыду, адыду, саступлю...

Абыду, адыду, саступлю,
Ані ўсмешкай, ні словам не змушу.
He падумай яшчэ, што люблю!
Проста горача стане і душна.

Проста сэрца заб'ецца хутчэй,
Неўспадзеў разрываючы цішу.
He падумай, канечне, яшчэ,
Што нібыта цябе ненавіджу!

He вініць мне цябе, не забыць,
He звязаць абарваныя ніці.
Проста моц ты адняў, каб любіць.
I бяссілля не даў — ненавідзець.

Людміла Паўлікава